1339 (n. st.), 24 février. Maubuisson-lez-Pontoise.

Lettres de sauvegarde accordées en faveur de la maison des pauvres écoliers italiens de la Charité-Notre-Dame, fondée à Paris par André Ghini, évêque de Tournai.

(JJ. 73, n° 170.)

[Philippe], etc..., savoir faisons à touz presens et advenir, que comme nostre amé et feal conseiller Andrieu, evesque de Tournay, ait fondé à Paris, en l'onneur de Dieu et pour le salut de son âme, une maison de povres escoliers', qui sont appellez les povres escoliers ytaliens de la Charité Nostre Dame, pour estudier en philozophie et theologie; nous, à la supplication dudit evesque et pour estre participant de ladite euvre de misericorde, et en approuvant ycelle maison et college en tant comme à nous appartient, ladite maison avec toutes ses appartenances et lesdiz escoliers qui present sont et seront pour le temps avenir, avec touz leurs biens, avons receu et recevons à perpetuité en nostre sauve protection et garde especial, à la conservacion de leur droit tant seulament en alant, venant et retournant, et demourant en ladite maison et parmi nostre royaume, et leur deputons leur especial gardien nostre prevost de Paris, qui à present est et qui sera pour le temps, pour les garder et faire garder

1. Collège des Lombards fondé par André Ghini, évêque de Tournai. Ce collège, ruiné dès le milieu du xvre siècle, fut occupé en 1677 par des prêtres irlandais. (Voy. Félibien, Histoire de la ville de Paris, t. I, p. 588, abbé Lebeuf, Histoire de la ville et de tout le diocèse de Paris, éd. Cocheris, t. II, p. 14 et 38, et la note que nous avons consacrée à André Ghini dans le volume précédent, p. 9.)

DOCUMENTS XII

I

224062

}

い

de toutes injures, forces, violences, molestacions non deues en corps et en biens, et pour faire amender et adrecier à nous et à eulz tout ce qui seroit fait ou attempté au contraire, et pour leur faire paier leurs debtes bonnes et loyaulz, confesseez et cogneues, ou desquelles lesdiz escoliers pourroient faire prompte foy, sommierement et de plain et sanz lonc plait et sanz longue figure de jugement, et de faire tout ce que à office de bon gardien appartient; et quant à ce, nous lui donnons et commettons plain povoir, de grâce especial, par la teneur de ces presentes lettres. Si mandons et commandons à touz noz justiciers et subgiez que, contre la teneur de ceste presente grâce, il ne molestent lesdiz escoliers en corps ne en biens, maiz les en laissent et facent joir paisiblement ; et se aucun attemptoit au contraire, nous mandons et commandons audit prevost que il face les choses remettre à estat deu et amender aussi à nous et ausdiz escoliers deuement, pourveu que, pour cause des choses dessusdites, riens ne soit faite ne attempté en fraude ne malice, ne prejudice de nostre droit ne du droit d'autrui. Et pour ce que ce soit ferme et estable chose à touz jours, nous avons fait mettre nostre seel à ces presentes lettres. Donné à Maubuisson de lez Pontoize, le xxie jour de fevrier, l'an de grâce mil CCC trente et huit.

Philippe VI confirme la vente que fit Jean Pèlerin, sergent à cheval du Châtelet, à Jean Boileaue, d'une maison ayant appartenu à feu Jean de Moret, chanoine de Sens, sise à Paris, près de l'église Saint-Symphorien, vente destinée à rembourser au rọi les sommes d'argent que lui devait ledit chanoine.

(JJ. 71, no 184.)

Philippe, par la grâce de Dieu roys de France, savoir faisons à touz presens et avenir, nous avoir veu les lettres cy dessous transcriptes, contenans de mot à mot la forme qui s'ensuit.

A touz ceuls qui ces lettres [verront], Jehan Pelerin, sergant à cheval du roy nostre sire ou Chastellet de Paris, commissaire dudit seigneur en ceste partie, par ses lettres, desquelles la teneur ensuit :

Philippe, par la grâce de Dieu roys de France, à Guillaume de la Joncherie, Arnol de la Cigoigne, Jehan Pelerin, Jehan Martin, sergens à cheval du Chastellet de Paris, et Jehan dit le Clerc de Mas

sengi, salut. Feu maistre Jehan de Moret, jadiz chanoine de Senz, estoit tenuz à nous, ou temps qu'il ala de vie à mort, en une grant somme d'argent de plusieurs deniers qu'il avoit re[c]uz du nostre, tant d'arrerages des diziemes comme d'autres choses; de laquelle somme aucune satisfacion ne nous a esté faite; pourquoy nous vous mandons et commettons, et à chascun de vous, que touz les heritages qui furent dudit maistre Jehan, en quelconque lieu que trouver les pourrez, vous mettés en vente par criz et subhastacions, et yceuls vendés et delivrés au plus offrant, en lui donnant vos lettres, lesquelles après les dis criz et subhastacions deuement faiz, nous confermerons, se requis en sommes, et l'argent envoiez à nostre tresor à Paris, à la descharge dudit maistre Jehan; mandons à touz nos justiciers et subgiés que vous et chascun de vous, en ce faisant, obeissent et entendent diligemment. Donné à Paris, souls nostre nouveau seel, en l'absence du grant, le xixe jour de septembre, l'an de grâce mil CCC trente et huit.

Comme par vertu desdites lettres du roy et pour faire ce qui mandé et commis m'estoit par ycelles, je euse pris, saisi, arresté et mis en la main du roy nostre sire une maison, si comme elle se comporte, qui fu jadis dudit feu maistre Jehan de Moret, seant à Paris, emprès Saint Ciphoriem 1, en la Cité; tenant d'une part à l'eglise de Saint Ciphoriem, et par derrieres devant la Magdalaine2, et aus costés, au Chapiau Rouge d'une part et d'autre part à Malot de Saint Just, chargiée en douze deniers de fons de terre et en vint souls de rente deuz à l'eglise Saint Cyphorien; et ycelle maison eusse fait crier et mettre en vente en l'audience du Chastellet par Tassin l'Enffant, sergent adverge (sic) et crieur de l'audience dudit Chastellet, establiz à telx criz faire. Et pour ce que ledit cri, maistre Estienne de Chaumont vint par devers moy, qui, de ladite maison et ses appartenances offri à donner sept vins livres parisis, dont il me bailla un denier à Dieu que je reçuz, je eusse fait crier et publier en ladite audience par ledit Tassin, pour le premiere quatorzaine, le jeudi avant la feste Saint Climent qui fu l'an de grâce mil CCC trente et huit, que la maison dessus esclarcie, si comme elle se comporte avecques toutes ses appartenances et appendances, estoit vendue de par le roy nostre sire, par la vertu desdites lettres et pour la cause dedenz contenue, audit

3

1. L'église Saint-Symphorien, située dans la Cité, en face de l'église SaintDenis-de-la-Chartre, porta, au XVIIIe siècle, le nom de chapelle Saint-Luc. Son emplacement est occupé aujourd'hui par une partie des bâtiments de l'Hôtel-Dieu.

2. Église de la Cité située entre les anciennes rues de la Juiverie, des Marmousets et de la Licorne. Son emplacement est occupé aujourd'hui par une partie des bâtiments de l'Hôtel-Dieu.

3. 19 novembre.