Verbi Dei vox praeisti Nuntiare Dominum,
Fac, ne claudam nece tristi Huius vitae terminum.
Ave, felix duodena Clanga apostolica, Quorum vita non terrena Nec potestas modica, Per vos mihi salus plena Detur, virtus caelica.
Ave, cohors prophetarum, Signis miris inclita, Contio patriarcharum Sacra stirpe praedita, Dona ferte gratiarum Hostis fraude domita.
Ave, coetus novae legis Scribens evangelia, Ac discipulorum regis Nova dans praeconia, Ad superni per vos gregis Transferar avilia.
Ave, phalanx purpurata In cruoris flumine, Innocenter candidata Turba rubens sanguine, Vita sumat me beata Vestro deprecamine.
Ave, sacer grex doctorum, Veritatis speculum, Rector quoque populorum, Felix chorus praesulum,
Per vos Christus, rex caelorum, Salvet me in sacculum.
Ave, agmen confessorum, Lux fidelis populi,
O caterva monachorum Cuncta spernens saeculi, Vestra prece peccatorum Nexus ruant singuli.
Ave, turma virginalis, Agni tecta vellere, Continentum, coniugalis Clara casto foedere, Per vos vestis nuptialis Mihi detur munere.
Ave, omnium sanctorum Iucunda societas, Ad superna me polorum Vestra ducat pietas,
Ut vestrorum me bonorum Repleat sotietas.
Ave, virgo generosa, Sponsa Christi, Agatha, Cuius fragrant velut rosa Virtutum aromata.
Salve, mitis et benigna, Mente fervens Agatha, Nobis linquens fide digna Exemplorum dogmata.
Gaude, fortis et honesta Triumphatrix Agatha, Quae pro Christo fers molesta Passionum stigmata.
Vale, decens forma morum Lux virtutum Agatha, Tumulanda Angelorum Turmis es circumdata.
Eia, clemens et beata, Pia, dulcis Agatha,
Prece confer mihi grata Pneumatis charismata.
Me de mundo transfer isto Caeli ad agalmata,
Ut in aevum fruar Christo Tecum gaudens, Agatha.
Johannes a Jenstein.
Ave, verbi Dei parens, Virginum humilitas, Ave, omni naevo carens Humilis virginitas.
Gaude, quae sic gravidaris Nec gravaris filio, Gaude, quae sic oneraris Onere gratissimo.
Salve, Iesse stirpe orta Virgula fructifera, Salve, clausa templi porta, Soli Deo pervia.
Plaude, vellus Gedeonis, Rore madens pneumatis, Plaude, pellis Salomonis, Pulchrior prae ceteris. Vale, Iacob micans stella Et illustrans maria, Vale, consignata cella, Rubus in vi flammea.
Euge, sole quod amicta Solem gignis, stellula, Euge, quod sis praeelecta Scala caeli fulgida.
Pange, aurora consurgens Luce novi sideris, Pange, arcae trina ferens
Charismata miseris.
Eia, magnificat tua Iesum Christum anima, Eia, tecum ut laudemus, Ora, dulcis Maria.
Quid modo dictarem Teque commendarem Cantuque dulci psallerem De te, o virgo pia?
Tu laude dignior, Tu cantu dulcior, Tu carmine iucundior, Semper virgo Maria.
Gaude, in Dei lumine Virgo illustrata Sine virili semine Puero fecundata, De glorioso nomine
Iesu mater vocata.
Tu ardes amore, Tu nites decore,
Tuque praepolles honore,
Tu stillas dulcore.
Tu callis erranti,
Tu portus natanti,
Tu spes in exsilio
Tu lumen in obscuro.
Adiutrix tu laudabilis Deiectis in peccatis, Virgo Christo amabilis, Succurre nobis gratis, Favi gustus mirabilis, Gemma nobilitatis.
Tu egenorum res, Lux vera caecis es, Dulce refrigerium,
Benediktum grabatus.
Pudor virginalis In te mirabilis, Es praelata superis
Gaudens in aetheris.
Maesti tu solacium, Stupor angelorum, Regale palatium,
Ådiutrix miserorum, Robur laborantium, Ora regem polorum.
Thomas Kempensis, Nr. 38.
O qualis quantaque laetitia Resonat in caelesti patria, Ubi Iesus gaudet cum Maria Laeto vultu, dulci melodia.
Assunt angelorum chori, Laudes cantant creatori, Regem cernunt in decore, Amant corde, laudant ore. Tympanizant, citharizant, Volant alis, stant in scalis, Pulsant nolis, fulgent stolis Coram summa trinitate.
Clamant: Sanctus, sanctus, sanctus,. Fugit dolor, cessat planctus, Omnes laetos reddit cantus
In superna civitate.
Concors vox est omnium
Deum collaudantium,
Fervet amor mentium
Clare speculantium Beatam trinitatem in una deitate.
Quam adorant Seraphim Ferventi cum amore, Venerantur Cherubim
« PreviousContinue » |