HYMNUS 95.

NATUS parenti redditus
Non vos amicos deseret:
Sub imbre lapsum flammeo
Infundet in vos spiritum.

Hausto repleti numine,
Terras in omnes liberi
Christum tubis cœlestibus
Christum Deum vulgabitis.

Non jam tenebit amplius
Formido mortis abditos:
Aperta non euntibus
Addent moras pericula.

Vos ante Reges fortiter
Spernetis armatas neces:
Hæc nempe pro Christo mori
Suprema vobis gloria.

Orate firma sit Fides,
Et certa se Spes erigat,
Illapsa vestris cordibus
Pellat timorem Caritas.

Sit laus Patri, laus Filio, Qui nos, triumphatâ nece, Ad astra secum dux vocat ; Compar tibi laus, Spiritus.

HYMNUS 96.

CHRISTE, qui sedes Olympo, Par Deo Patri Deus, Quem tremiscunt intuendo Puriores Spiritus,

Da choris junctos supernis Ore puro psallere.

Inter omnes fulguranti
Ense victor emicat,
Qui draconis insolentem
Contudit ferociam,
De polo trusit rebellem
In profunda Tartara.

Tu decore vincis omnes,
Alitum pulcherrime,
Assides Deo propinquus,
Consili tu particeps;
Astra claudis et recludis,
Nosque sistis Judici.

Te tremendo poscat æger
Mortis in luctamine,

Advolantis efficacem

Sentiet præsentiam : Corporis vinclis solutum

Mox ad astra transferes.

Sit suprema laus Parenti,
Qui creavit omnia :
Filioque qui redemit

Morte nos volens suâ ;
Par et illi, cujus almo
Confovemur halitu.

HYMNUS 97.

SPOUSA Christi, quæ per orbem Militas, Ecclesia,

Prome cantus, et sacratos

Dic triumphos cœlitum.

Hæc dies cunctus dicata
Mixta cœli gaudiis,
Læta currat, et solemni,
Personet melodiâ.

Laureatum ducit agmen,
Natus ille Virgine,
Morte qui suâ redemit,
Morte nos ab ultimâ.

Mox sequuntur Angelorum,
Administri Spiritus,

Siderumque conditori

Mille laudes concinunt.

Principes sacri senatûs, Orbis almi judices, Sedibus sedent sublimes, Facta pendent omnium.

Prodigi vitæ, cruore
Purpurati Martyres,
Auspicati morte vitam
Pace gaudent perpeti.

Turba sacra confidentum
Cum Levitis præsules,
Seculi luxu rejecto
Perfruuntur gloriâ.

Omnibus sors hæc beata,
Gloriam Deo dare:

Ter potentem confiteri,
Terque sanctum dicere.

Cœlites, Oh vos beati,
Quos Deus felicitat:

Pace nostris in diebus

Det Deus nos perfrui ;

Nos Deo cum sanctitate
Serviamus subditi:

Gloria posthâc futuri

Quam tenetis, compotes.

HYMNUS 98.

JESU, Sacerdotum Decus,
In hâc die, quâ gloriâ
Sanctum coronas Præsulem,
Votis adesto supplicum.

Sui probatus præmium
Amoris, et pignus tui,
A Patre traditos tibi
Accepit agnos pascere.

Hos novit, et præit vocans
In tuta quemque pascua :
Victumque præbet: audiunt,
Sequuntur et vivunt oves.

Quam sentit errantem jugis,
Hanc nocte quærit et die:
Et gaudet inventam suo
Portans ovili reddere.

Arcet frementes bestias,
Lupi retundit impetus,
Dolosque fallit, vel mori
Caro paratus pro grege.

Supreme Christe Pontifex,
Jugis tibi sit gloria,

Cum Patre, cumque Spiritu,
In sempiterna secula.