Page images
PDF
EPUB

Damnatus insons à reis
Partes resumet Judicis :
Ad cujus ora contrement
Dijudicandi Judices.

Ut morte dignos solveret
Morti volens se subdidit:
Cui mors Dei non proderit,
Vindicta qualis imminet!

Venture Judex seculi,

Jesu, tibi sit gloria,

Cum Patre, cumque Spiritu, In sempiterna secula.

HYMNUS 75.

SENSUS quis horror percutit?
Cœlum profundum scinditur:
Christum sedentem nubibus
Hinc inde stipant agmina.

Feralis ad sonum tubæ
Mors jussa reddit mortuos:
Quos ad tribunal Judicis
Urgent coactos angeli.

Ad Judicis sedent latus,
Quicunque spretis omnibus,
Fugere mundum pauperes,
Deum secuti pauperem.

Crux ante Judæis probrum,
Ludibrium Crux Gentibus,
Terror reis, probis amor,
Summo micabit æthere.

Fixere quem diræ trabi,
Cernent, pavebunt, ingement;
Vultu beabit quo suos
Hôc territabit impios.

Fac, Christe, ne mores bonos
Contage mundus inquinet:
Secerne nos ab improbis,

Ne misceamur sontibus.

Venture Judex seculi

Jesu, tibi sit gloria,

Cum Patre, cumque Spiritu, In sempiterna secula.

HYMNUS 76.

NOBIS Olympo redditus,
Qui, Christe, sedes præparas,
Nos exules in patriam,
Trahas amoris nexubus.

Bonis abundans omnibus, Ingens eris merces, Deus: Quàm longa pro pœnâ brevi Tuos manebunt gaudia.

Tunc ore nudo qualis es
Quantusque te videbimus:
Amabimus te jugiter,
Te jugiter laudabimus.

Si quos amas non deseris,
Nostræ salutis obsidem,
Mittas ab altis sedibus,
Qui nos adoptet, Spiritum.

Venture Judex seculi,
Jesu, tibi sit gloria,

Cum Patre, cumque Spiritu,
In sempiterna secula.

HYMNUS 77.

OH Christe, qui noster poli
Præcursor intras regiam,
Quos hic jacentes respicis,
Sursùm voca, sursum rape.

Ad illa fac nos currere
Amore casto gaudia,

Terrena quæ non mens capit,
Quæ sola perspicit fides.

Ubi laborum præmium
Dat ipse se suis Deus :
Et ut beatos expleat,
In omnibus fit omnia.

Qui nos ad istam gratiâ
Ducat potenti gloriam,
Tu de supernis sedibus
Da, Christe, nobis Spiritum.

Qui Patris ad dextram sedes,
Jesu, tibi sit gloria,

Cum Patre cumque Spiritu,
In sempiterna secula.

HYMNUS 78.

SUPREME Rector cœlitum,
Qui morte devictâ potens
Cruore signatam tuo
Ad astra pandis semitam!

Alto benignus è Throno
Et Patris almi dexterâ

Quos hic relinquis orphanos,
Non intueri desinas.

Partâ tuis laboribus
Jam tu potiris gloriâ:

Nunc hora: promissum Patris
Nunc mitte nobis Spiritum..

Qui Patris ad dextram sedes, Jesu, tibi sit gloria,

Cum Patre, cumque Spiritu, In sempiterna secula.

HYMNUS 79.

Veni, superne Spiritus,

Purgata Christi sanguine

Tuique terra jam capax

Expandit arentes sinus.

Christi petentis æthera
Exsolve promissam fidem:
Et nostra præsens igneo
Munda lavacro pectora.

Lugemus amissum Patrem :
Te nostra tangat orbitas,
Solare mostos; anxiis

Spem redde, qui solus potes.

Olim per umbras vatibus
Retecta paucis veritas

Nunc orbe toto dissitis
Per te patescat gentibus.

Divina jam nos unctio
Informet omnes: hactenus

Mutis aratam literis

Inscribe legem cordibus.

Sit laus Patri, laus Filio,
Utrumque qui nectis, Deus
Utrique compar, sit tibi
Decus perenne, Spiritus.

« PreviousContinue »