raencon pour le temps passé, se il n'ont esté a acort de certaire raencon par convenences, faites par avant le tiers jour de may darrein passe; et, se aucunes d'euls est hors d'Engleterre, et ne se rent a Calais, en ostage, dedenz le premier moys apres les dittes 3 sepmaines de la Saint Jehan (cessant juste empeschement) il ne sera paz quitte de la prison, mais sera contrains par le Roy de France, a retourner en Engleterre, comme prisonnier, ou a paier la peine, par luy promise, et encourue, par deffaut de son retour.

(17) Item. Est accordé que, en lieu des diz ostages, qui ne vendront a Calays, ou qui demourront, ou se departiront senz congie hors du povoir du Roy d'Engleterre, le Roy de France sera tenu de en bailler d'autres, de samblable estat, au plus pres qu'il pourra estre fait, dedenz IV moys prochein apres que le baillif d'Amiens, ou le maire de Saint Omer, en sera sur ce par lettres dudit Roy d'Engleterre certeilie, et pourra le Roy de France, a son departir de Calais, amener, en sa compaignie, X des ostages, tels comme les deux Roys accorderont; et souffira que, du nombre de XL dessus diz, en demeure jusques au nombre de XXX.

(18) Item. Est accordé que le Roy de France, dedens III moys apres ce qu'il sera parti de Calais, rendra a Calais, en ostage, IV personnes de Paris, et II personnes de chascune des villes, dont les noms s'ensuist; c'est asçavoir,

De Saint-Omer, Arras, Amiens, Beauvez, Lisle, Douay, Tournay, Reims, Chaalons, Troyes, Chartres, Thoulons, Lion, Orliens, Compiegne, Rovan, Caen, Tours, Bourges.

Plus souffisanz desdites villes, pour l'accomplissement de ce present traittie.

(19) Item. Est accordé que le Roy de France sera amene d'Engleterre a Calais, et demorra a Calais par IV mois apres sa venue; mais il ne paiera riens, du premier moys, pour cause de sa garde, et, pour chascun des autres moys ensuit, qu'il demourra a Calais, par deffaut de lui ou de ses gens, il paiera, pour ses gardes, X mil roiauls, tels comme il courent ad present en France, avant son partir de Calais; et ainsi au fuer du temps, qu'il y demourra.

(20) Item. Est accordé qu'au plustot que faire se pourra, dedenz l'an prochein apres ce que le Roy de France sera parti de Calais, mousire Jehan conte de Montfort, aura la conté de

Montfort, avec toutes ses appertenances, en faisant hommage lige au Roy de France, et devoir, et service en tous caz, tels comme bon et loial. vassal lige doit faire a son seigneur lige, à cause de la ditte conte; et aussi si seront renduz ses autres heritages, qui ne sont mie de la duchié de Bretaigne, en faisant hommage ou autre devoir qui appertendra,

Et, s'il veut aucune chose demander, en aucune des heritages, qui sont de la ditte duchie, hors du paiis de Bretaigne, bonne et brief raison li sera faite par la court de France.

(21) Item. Que sur la question, du demaine de la duchiće de Bretaigne, qu'est entre le dit monsire Jehan de Montfort d'une part, accorde est que les II Roys, appeles pardevant euls, ou leurs, deputez, les parties principauls, de Bloys et de Montfort, par culs, ou par leurs deputez especiaulz, s'enfourmeront du droit des parties, et s'enforceront de mettre les parties a accort, sur tout ce qu'est en debat entre culs, au plustost qu'il pourront.

Et, en cas que les ditz Roys, par culx, ne par leurs deputez, ne les pourrount accorder, dedans un an prochein apres que le Roy de France sera arrivee a Calais, les amis, d'une partie et d'autre, s'enformeront diligeanment des droits des parties, par manere qui dessus est dit, et s'afforceront de mettre les dites parties a accord, au mieltz que faire se purra, a plus tost q'ils pourront.

Et, se ilz ne les povent mettre a accort, dedenz demi an, adonc prochein ensuivant, ils rapporteront aus diz II Roys, ou a leurs deputez, tout ce qu'il auront trouve sur le droit des dittes parties, et sur quoy le debat demourra entre les dittes parties; et adonc les II Roys, par euls, ou par leurs deputez especiaulz, au plustot qu'il pourront, mettront les dittes parties a accort, ou diront leur final avis sur le droit de l'une partie et de l'autre, et ce sera execute par les II Roys.

Et, en cas qu'il ne le pourroient faire, dedenz demi an prochein ensuit, adonques les II parties principauls, de Bloys et de Montfort, feront ce que mieux leur samblera; et les amis d'une partic et d'autre aideront quelque part qu'il leur plaira, sanz empeschement des diz Roys, et senz avoir eu aucun temps dommage, blasme, ne reproche, par aucup des diz Roys, pour la cause dessus ditte.

Et, se ainsi estoit que l'une desdites parties ne vausist compa

roir souffisaument devant les diz Roys, ou leurs diz deputez, ou temps qu'il y sera establi,

Et aussi en cas que les diz Roys, ou leurs deputez auroient ordene, ou declarie, que lesdittes parties fussent a accort, oa qu'il auroient dit leur aviz pour le droit d'une partie, et aucune des dittes parties ne se voldroit accorder ad ce, ne obeir a laditte declaration.

Adonques les II diz Roys seront encontre lui de tout leur povoir, et en aide de l'autre qui se voldroit accorder et obeir; mais, en nul caz les II Roys, par leur propres personnes, ne par autres, ne pourront faire ne entreprendre guerre, l'une à l'autre, pour la cause devant dite.

Et toujours, demourra la souvercinté et l'omage de laditte duchie au Roy de France.

(22) Item. Que toutes les terres, paiis, villes, chasteaux, et autres lieux, baillees aus diz Roys, seront en telles libertes et franchises, comme elles sont ad present, et seront confermices par les diz seigneurs Roys, ou par leur successeurs, et par chascun d'euls, toute fois qu'il en seront sur ce requis, se coutraires n'estoient a cest present accort.

(23) Item. Que le diz Roy de France rendra, et fera rendre et establir de fait, a monsire Phelip de Navarre, et a touz ses adherenz en appert, au plustot que l'en pourra, senz mal engin, et, au plustart, dedenz un an prochein, apres que le Roy de France sera parti de Calais, toutes les villes, chasteaux, forteresces, seignourics, droiz, rentes, profiz, jurisdictions, et lieux quelconques, que le dit monsire Phelip, tant pour cause de lui, come pour cause de sa femme, ou ses diz adherenz, tindrent, ou devoient tenir ou royaume de France, et ne leur fera jamais le dit Roy reproche, domage, ne empeschement, pour aucunes choses, faites avant ces heures; et leur pardonera toutes offenses et mesprises, du temps passé, pour cause de la guerre; et sur ce auront ses lettres, bonnes et souffisanz; si que le dit monsire Phelip et ses avant diz adherenz retournent en son hommage, et li soient bons et loiauls vassauls, et li facent ses devoirs.

(24) Item. Est accordé que le Roy d'Engleterre pourra donner, c'este fois tant seulement, a qui lui plaira, en heritage toutes les terres et heritages, qui furent de feu monsire Godefroy de Harecourt, a tenir du duc de Normandie, ou d'autre seigneur,

de qu'elles doivent estre tenues par raison, parmy les hommages et services, anciennement accoustumez.

(25) Item. Est accordé que nul homme, ne paiis, qu'ait este en l'obeissance d'une partie, et vendra par c'est accort à l'obeissance de l'autre partie, ne soit empeschie pour chose faite ou temps passé.

(26) Item. Est accordé que les terres des banniz et adherenz, de l'une partie et de l'autre, et aussi des eglises, d'une roialme et de l'autre, et que touz ceulz qui sont desheritez ou ostes de leurs terres ou heritages, ou charges d'aucune pension, taille ou redevance, ou autrement grevez, en quelque maniere que ce soit, pour cause de ceste guerre, soient restituez entierement en meisme le droit et possession, qu'il curent devant la guerre commencié :

Et que toutes manieres de fourfaiteures, trespaz, et mesprisons, faiz par euls, ou aucun d'euls, en moien temps, soient du tout pardonnez;

Et que les choses soient faites au plustost que l'en pourra bonnement, et au plustart, dedenz un an, prochein apres ce que le Roy sera partiz de Calais;

Excepte ce qu'est dit en l'article de Calais, de Merch, et des' autres lieux nommez ou dit article;

Excepte aussi le visconte de Fronssac, et monsire Jehan de Galard, lequels ne seront pas comprinz en cest article, mais demourront leurs biens et heritages en l'estat, qu'il estoient par avant cest present traittie.

(27) Item. Est accordé que le Roy de France delivrera au Roy d'Engleterre, au plustost qu'il pourra bonnement, et donra, et, au plustart, dedenz la feste Saint Michiel, prochein venant, en un an, apres son partir de Calais, toutes les citez, villes, paiis et autres lieux dessus nommez, qui par ce present traittie doivent estre baillées au Roy d'Engleterre.

(28) Item. Est accordé que,

En baillant au Roy d'Engleterre, ou a autre pour lui par especial depute, les villes et forteresces, et toute la conte de Ponticu,

Les villes et forteresces, et toute la conte de Montfort,

La cite et le chastel de Xaincles,

Les chasteaux, villes et forteresces, et tout ce que le Roy tient en demaine, ou paiis de Xainctonge deça et dela Charente,

Et la cite d'Engolesme, et les chasteaux, forteresces et villes, que le Roy de France tient en demaine en paiis d'Engolesmois, Aveuc lettres et mandemenz des delaissemenz des fiez, et hommages,

Le Roy d'Engleterre, a ses propres couz et fraiz, delivrera toutes les forteresces, prisez et occupecz par lui, par ses subgiez, adherenz, et aliez, es paiis de France, et de Toureine, d'Anjou, de Maine, de Berri, d'Auvergne, de Bourgoigne, et de Champaignie, de Picardie, et de Normandie, et de toutes les autres partics, terres, et lieux du royaume de France; excepte celles du duchie de Bretaigue, et des paiis et terres qui, par ce present traittie, doivent appartenir et demourer au Roy d'Engleterre.

(29) Item. Est accordé que le Roy de France fera bailler et delivrer audit Roy d'Engleterre, ou a ses hoirs, ou deputez, toutes les villes, chasteaulz, forteresces, et autres terres, paiis, et lieux avant nommez, avec leurs appartenences, aus propres fraiz et coux dudit Roy de France.

Et aussi que, si il y avoit aucuns rebelles, ou desobeissantes de rendre, bailler, ou restituer audit Roy d'Engleterre aucunes citees, villes, chasteaux, paiis, lieux, on forteresces, qui par ce present traittie li doivent appartenir, le Roy de France sera tenu de les faire delivrer au Roy d'Engleterre a ses despenz.

Et, samblablement, le Roy d'Engleterre fera delivrer a ses despenz, les forteresces, qui, par ce present traittie, doivent appartenir au Roy de France.

Et seront tenuz lesditz Roys, et leur genz, a euls entraidier, quant ad ce requiz en seront, aus gages de la partie qui le requerra; qui seront,

D'un flourin, de Flourence, par jour, pour chivalier,

Et demy flourin pour eschier,

Et pour les autres au feur,

Et, du sourplus des doubles gages, est accordé que, se les diz gages sont trop petiz, en regart au marchie des vivrez en paiis, il en sera a l'ordenance de IV chivaliers, pour ce esleuz; c'est asçavoir, II d'une partie, et II d'autre.

(30) Item. Est accordé que tous les arcevesques, evesques, et autres prelaz de sainte eglise, a cause de leur temporalite, seront subgiez de celi des II Roys, souz qu'il tendront leur temporalite; et, se il ont temporalité souz touz les II Roys, il seront subgiez

1