Miserere mei Deus, etc., et De profundis, etc., cum collecta pro defunctis, in refrigerium anime ipsius testatoris, suorumque parentum et benefactorum. Quarum missarum celebrationi et psalmorum lectioni dicti bursarii tenebuntur interesse et audire.

Item prefatus dominus testator legavit et reliquit cuilibet bursariorum pro victu et alimentatione eorumdem in dicto suo collegio quadraginta florenos Caroli, quolibet ad viginti stuferos computato, et unum modium siliginis annui et perpetui redditus. Et eisdem bursariis pro presidenti eiusdem collegii, pro dicti presidentis victu et alimentatione ac regimine bursariorum, necnon onere celebrationis dictarum sex missarum, septuaginta duos florenos Caroli et unum modium siliginis hereditarii et perpetui redditus.

Item pro ancilla et servitore eiusdem collegii pro tempore existenti, pro servitio eisdem presidi et bursariis dicti sui collegii pro tempore existentibus impendendo, preter expensas victuales, quas in eodem collegio habebit, legavit eisdem bursariis duodecim florenos Caroli hereditarii redditus, eidem ancille singulis annis dandos; et in subsidium expensarum victualium et alimentationem eiusdem servitoris et ancille legavit dicto collegio unum modium siliginis annui et hereditarii redditus.

Item pro servitore eiusdem collegii pro tempore existenti, qui mense inserviet et servicium suum in negociis collegii necessariis impendet, legavit et reliquit eidem collegio in subsidium expensarum victualium, quas ipse servitor in eodem collegio habebit, et ibidem habitabit, duodecim florenos Caroli et unum modium siliginis annui et hereditarii redditus.

Item pro reparatione domuum eiusdem collegii legavit eidem collegio viginti florenos Caroli perpetui et hereditarii redditus. Item dictus dominus testator pro candela ardenti, quam singulis perpetuis futuris diebus vult poni ante imaginem beate Anne impositam muro super portam dicti sui collegii, ac sub

vesperam incendi, legavit eidem collegio seu bursariis eiusdem duos florenos Caroli annui et hereditarii redditus.

Item dictus dominus testator ordinavit, quod senior ex proximioribus suis consanguineis pro tempore existens et ex legittima linea descendens habebit perpetuis futuris temporibus nominationem et presentationem bursariorum ad pretactas bursas pro tempore futuro vacaturas; quam facere tenebitur provisoribus eiusdem collegii infranominatis infra mensem a publicatione vacationis alicuius burse in valvis dicte ecclesie Boviniensi per presidentem dicti collegii pro tempore existentem (qui huiusmodi publicationem illico post vacationem occurrentem expensis bursarii bursam vacantem obtinentis fieri procurabit) fienda. Et casu, quo dictus senior ex proximioribus consanguineis dicti domini testatoris infra tempus predictum aliquem aptum et idoneum ad primum locum, ut premittitur, non nominaverit aut presentaverit ad bursam vacantem, provisores collegii infranominati aliquem aptum et idoneum juxta formam prescriptam ex hoc oppido Lovaniensi ad huiusmodi bursam vacantem instituere poterunt ; qui sic institutus huiusmodi bursa ad annos prescriptos, modo honeste vixerit et se, ut premittitur, rexerit, gaudebit.

Item dictus dominus testator nominavit dicti sui collegii ac presidis et bursariorum pro tempore existentium provisores dominos presides collegiorum Pontificis et Theologorum huius Universitatis Lovaniensis pro tempore existentes, dans eisdem plenariam potestatem presidem dicti collegii ordinandi et constituendi, ac bursarios, ut premittitur, nominandos et presentandos, postquam per eos apti et qualificati juxta formam prescriptam inventi fuerint, instituendi et admittendi, ipsosque, vita et regimine ac inobedientia eorumdem causantibus et exigentibus, destituendi et privandi, ac statuta et ordinationes laudabiles ad instar aliorum similium collegiorum, juxta que presidens et bursarii eiusdem collegii pro tempore existentes se regere debebunt, condendi et ordinandi, ipsumque

collegium (quod bis in anno facere tenebuntur) visitandi, et, si que reformanda invenerint, reformandi, receptorem, qui bona dicti collegii recipiet, deputandi, computumque (quem singulis annis receptor huiusmodi pro tempore existens eisdem provisoribus facere tenebitur) audiendi, examinandi et concludendi, et pecuniam resultantem in usus collegii convertendi; relinquens dictis suis provisoribus, et utrique eorum, pro suis laboribus duos renenses hereditarii redditus, et collegio pro stipendio dicti receptoris, ut premittitur, ordinandi viginti duos florenos Caroli annui et hereditarii redditus.

Item voluit et ordinavit dictus dominus testator, quod quilibet bursariorum admissus pro suo introitu in dicto collegio mumerabit ad opus et in usus eiusdem collegii in manibus receptoris pro tempore existentis septem florenos Caroli semel, ac sibi comparabit lecticam, lectum, lintheamina, stragulum et mensam in suo cubiculo, que auferre poterit tempore sui exitus ex dicto collegio. Procurabitque suis propriis expensis lotionem suorum lineorum, ac sternet suum proprium lectum et non ancilla dicti collegii.

Item vult preterea idem dominus testator, quod commodum occurrens ratione vacationum dictarum bursarum, ac absentiarum bursariorum, pro rata temporis, quo vacabunt burse et aberunt bursarii, cedet dicto collegio in usus eiusdem.

Item relinquit eidem collegio pro usu presidentis ipsius collegii lecticam meliorem et lectum mediocrem cum stragulo.

Item relinquit adhuc eidem collegio omnium et singulorum stanneorum suorum medietatem, ac omnia sua enea, et ex suis lineis sex meliores et maiores mappas mensales et duas duodenas mappas manuales novas.

Item, omnia sua linea dicta vulgariter schoteldoecken et handuucken, similiter mensam in camera refectorii et aliam in coquina domus pro nunc existentes pro communi usu dicti collegii.

Item dictus dominus testator cupit futuro tempore per dic

tos suos provisores edificari sacellum quoddam inter latrinas et domum porte domus sue; pro cuius constructione legavit et reliquit illos ducentos florenos Caroli, per eum mutuo datos Cesaree Majestati juxta obligationem desuper sub ipso existentem per Petrum van Ham, receptorem eiusdem Cesaree Majestatis in quarterio Lovaniensi, signatam et subscriptam.

Item reliquit eidem collegio omnia sua ornamenta necessaria sacerdoti pro celebratione misse, videlicet casulam ex nigro undulato cum cruce ex auro contexta in dorso eiusdem casule, albam, amictum cum aliis lineis et tribus mappis consecratis, ac cum duabus ampullis, pace et lapide portatili consecrato; et preterea triginta florenos Caroli in valore, quo supra, pro calice conficiendo in usus dicti collegii.

Item, ut premissa omnia et singula ad debitum finem deducantur, et ad perpetuam dicti collegii dotationem, utendo facultate et potestate ac dispositione de redditibus inferius specificatis tempore comparationis eorumdem reddituum sibi reservata, redditus annuos et hereditarios infrascriptos in usum et ad opus dictorum pauperum bursariorum ipsisque pauperibus bursariis legavit et reliquit :

Imprimis redditum annuum et perpetuum etc.'.

Item dominus testator pro primo presidente huiusmodi sui collegii nominavit dominum et magistrum Christophorum Crieckebeeck, sacre theologie licentiatum, modo onus eiusdem presidentie acceptare velit; sin autem, relinquit assumptionem et ordinationem eiusdem presidentis dictis provisoribus, ut supra dictum est.

Item dominus testator pro primis bursariis ad primas quatuor bursas in huiusmodi collegio nominavit magistros Johannem Tamison, seniorem, filium quondam Johannis, et Johannem Tamison, juniorem, filium etiam Johannis, Nicolaum Goblet,

1) Suit une longue énumération de rentes et revenus.

filium Henrici, et Jacobum Cogghen, filium Johannis, admittens et instituens eosdem in huiusmodi quatuor primas bursas.

Item idem dominus testator vult, quod, postquam aliquis filiorum magistri Johannis Petri de Cluetingen fuerit aptus et idoneus ad studium primi loci, quod huiusmodi filius habeat primam bursam extunc vacaturam, admittens et instituens idem dominus testator eumdem Johannis filium exnunc prout extunc ad eandem bursam, etiam si tunc temporis aliquis de consanguineis ipsius domini testatoris, aut ex Bovinia,aut Namurco, aut Lovanio, aptus juxta testamentum presentaretur.

Et ut premissa omnia et singula suum debitum sortiantur finem et effectum et debite exequantur, executores pretacti sui testamenti elegit, nominavit, ordinavit et deputavit honorandos viros magistros Gregorium Wyffliet, U. J. licentiatum, dominum Johannem Pannet de Walcuria, presbiterum, et Johannem Petri de Cloetinghen, predictum, absentes tanquam presentes etc.....

Acta fuerunt hec Lovanii, dicte Leodiensis diocesis, in domo propria ipsius domini testatoris, sub anno, mense die et pontificatu, quibus supra, presentibus ibidem honorandis viris magistris Johanne Tamison seniore et Johanne Tamison juniore, predictis, Johanne Judoci ab Aquisgrano et Alphonsio Deyleren de Bossuto, Artium magistris, clericis Leodiensis dyocesis, testibus ad premissa vocatis specialiter atque rogatis.

Deinde, die vigesima secunda dicti mensis junii, in mei notarii publici, testiumque infrascriptorum, ad hoc vocatorum specialiter atque rogatorum, presentia, predictus dominus et magister Nicolaus Goblet, prepositus, licet corpore languens et in lecto sue egritudinis decumbens, rationis tamen ac sensuum suorum tam interiorum quam exteriorum bene compos, ut clare apparebat, existens, ac memoria et intellectu vigens, addendo prescripto suo testamento, illudque alterando et declarando,