priorissa, soror Margareta, quondam abbatissa Monasteriensis, de monasterio ipso, dominus Warnerus de Longo Campo, dominus Andreas de Upegney, milites, Andreas Sellarius, burgensis Namurcensis, et alii quamplures. Ut hec autem memoriter teneantur, presentem annotationem inde conscriptam feci roborari sigillis domini Thome, decani concilii christianitatis mee de Hanret, et domini Johannis, decani sancti Albani Namurcensis, et magistri Petri, canonici sancte Marie Namurcensis, judicis dati a domino Leodiensi episcopo in negotiis monasterii memorati.

Actum mense decembri anno Domini m° cc° xxx° quarto.

Cartulaire de l'abbaye de Salzinnes, fol. 158, ro et vo.

VI.

Thomas de Savoie, comte de Flandre et de Hainaut, et Jeanne de Constantinople, son épouse, donnent à l'abbaye de Salzinnes des revenus qu'ils possèdent à Mont-Sainte-Geneviève et à Butiaux.

Avril 1238.

THOMAS, Comes Flandrie et Hainonie, et JOHANNA, uxor sua, Flandrie et Hainonie comitissa, omnibus presentes literas inspecturis salutem. Noveritis, quod nos pro salute anime nostre octo modios bladi et octo modios avene ad mensuram de Binch, quos modios tam bladi quam avene domus de Valle sancti Georgii juxta Namurcum, Cisterciensis ordinis, nobis debebat annuatim pro nostro redditu teragii de Monte sancte Genovefe, dedimus in elemosinam abbatisse et conventui dicte domus de Valle sancti Georgii jure hereditario in perpetuum possidendos. Dedimus etiam eidem domui quartam garbam viginti et octo bonariorum terre de sarto de Buttiaus juxta Montem supradictum. Hec autem omnia, que contulimus

domui predicte in perpetuum jure hereditario possidenda, ut dictum est, debent abbatissa et conventus dicte domus ad unam capellaniam pro animabus nostris convertere, quam cito ecclesia fuerit edificata in dicta domo, in tantum quod capellania et altaria in eadem ecclesiavaleant instaurari.

Actum anno Domini m° cco tricesimo octavo, mense aprili.

Cartulaire de l'abbaye de Salzinnes, fol. 91 vo et 92 ro.

VII.

Henri de Dompierre, chanoine de Fosses, donne à l'abbaye de Salzinnes la part qu'il possède dans le patronage de Novilleles-Bois.

Novembre 1238.

Universis presentes literas inspecturis, HENRICUS DE DOMPIERE, canonicus Fossensis, salutem in Domino. Notum vobis facimus, quod nos libere et absolute contulimus in elemosinam domui Vallis sancti Georgii juxta Namucum, Cisterciensis ordinis, quicquid juris habebamus in patronatu ecclesie sancti Stephani de Novilia les Francs Homes. Et ut vera fides presentibus literis adhibeatur, eas sigillo domini decani Fossensis ecclesie postulavi confirmari.

Datum anno Domini m° cc° xxx° octavo, mense novembri.

Cartulaire de l'abbaye de Salzinnes, fol. 171 vo.

VIII.

L'abbesse de Salzinnes déclare avoir reçu du comte de Flandre et de Hainaut des biens situés à Mont-Sainte-Geneviève.

Août 1239.

Universis presentes literas inspecturis soror YMANIA, humilis abbattissa, totusque conventus Vallis sancti Georgii, Cisterciensis ordinis, cognoscere veritatem. Notum vobis

facimus, quod nos accepimus ad accensam in perpetuum ab illustri comite Flandriensi et Hainnensi, et a nobili ejus uxore, quedam prata sita apud Montem sancte Genofeve; de quibus pratis quatuordecim jornaria et de accensa illorum pratorum tenemus annuatim dictis comiti et comitisse in quatuor libris blancorum.

Datum anno Domini nostri Iesu Christi millesimo cco xxxo ix, mense augusto.

Cartulaire de l'abbaye de Salzinnes, fol. 89 vo.

IX.

Le doyen du chapitre de Saint-Aubain, à Namur, confirme la donation que Henri de Dompierre avait faite à l'abbaye de Salzinnes, de la part qu'il avait dans le patronage de Noville-les-Bois.

31 décembre 1246.

Universis christi fidelibus presentem cartulam inspecturis, THOMAS, decanus ecclesie sancti Albani Namurcensis, cognoscere veritatem. Notum facimus et testamur, quod Henricus, domini Anselmi de Dompiere militis bone memorie filius, de benigno matris sue assensu, dilectis in Christo abbatisse et conventui Vallis sancti Georgii, Cisterciensis ordinis, contulit in elemosinam perpetuam, quicquid juris habebat seu habere poterat in jure patronatus ecclesie sancti Stephani de Novilia Francorum Hominum, ita quod domus Vallis sancti Georgii in collatione dicte ecclesie eamdem, quam dictus Henricus habebat, in perpetuum habeat potestatem. Et hoc fecit dictus Henricus coram nobis et coram domino Henrico, milite, de Ham, viro nobili, ad hoc vocatis in testimonium.

Datum et actum anno Domini m° cc° quadrugesimo sexto, in vigilia Circumcisionis Domini.

Cartulaire de l'abbaye de Salzinnes, fol. 172 vo et 173 ro.

X.

Arbitrage de Gilles de Lérinnes relatif au droit de patronage sur l'église de Noville-les-Bois.

12 mars 1247 (nouveau style.)

Omnibus presens scriptum inspecturis frater EGIDIUS DE LERINES, ordinis sancte Trinitatis et captivorum, salutem in Domino. Noverit universitas vestra, quod ego electus a partibus, videlicet abbatissa et conventu Vallis sancti Georgii, Cisterciensis ordinis, ex una parte, et nobili viro Werico, milite, de Frandoire ac filio eius, ex altera, super iure patronatus ecclesie de Novile Francorum Hominum inter se litigantibus, ut super dictam causam potestatem habeam ordinandi, quicquid secundum Deum in bona conscientia michi videbitur esse ordinandum, prout patet in litera inde confecta, inspectis instrumentis et veritate utriusque partis diligenter et sub sacramento inquisita, super dicto negotio bonorum et iurisperitorum usus consilio, et retroactis inspectis, volens utrique parti consulere, dico et volo, quod supradictus Wericus et filius eius, quicquid iuris et dominationis in patronatu dicte ecclesie habuerunt et habent, ob remedium animarum suarum nec non et antecessorum suorum ecclesie Vallis sancti Georgii in puram et perpetuam elemosinam conferant liberaliter et absolute, et donationem suam, sicut decet, scripto et sigillo autentico muniant. Ut autem ista robur obtineant firmitatis, presenti scripto, sigillo carens, sigillum viri religiosi fratris G., ministri de Lerines, dignum duxi apponendum.

Datum anno Domini mo cco xl. vj, feria secunda post Letare Jerusalem.

Cartulaire de l'abbaye de Salzinnes, fol. 172 vo.

XI.

Accord conclu entre les abbayes de Salzinnes et de Gembloux touchant les dimes de Nil-Saint-Martin et Nil-Saint-Vincent.

27 mai 1250.

Universis christifidelibus, ad quos presentes litere pervenerint, JOHANNES, Dei gratia Gemblacensis abbas, totusque eiusdem loci conventus, ex parte una, soror YMANIA, abbatissa de Valle sancti Georgii iuxta Namurcum, totusque eiusdem loci conventus, ex altera, salutem et cognoscere veritatem. Notum esse volumus universis tam presentibus quam futuris, quos in posterum presentes literas videre contigerit, quod nos Gemblacenses, ad quos ius patronatus et maior decimatio ecclesie de Niel sancti Martini pertinet, nos vero de Valle sancti Georgii iuxta Namurcum, ad quos ius patronatus et maior decimatio ecclesie de Niel sancti Vincentii pertinet, considerata pace et utilitate utriusque partis, de communi assensu permutationem fecimus decimarum de quibusdam terris confuse et inordinate jacentibus in territoriis, hinc et inde certam limitationem de decimationibus utrique ecclesie faciendo. Quam limitationem Walterus et Hugo, sacerdotes et investiti dictarum ecclesiarum, laudaverunt et ratam habuerunt. Nos quoque dictam limitationem a nobis ordinatam et factam robur habere volumus perpetue firmitatis, et eam presenti cyrographo, sigillorum nostrorum munimine roborato, confirmamus.

Actum et datum anno Domini millesimo ducentesimo quinquagesimo, sexta feria post octavas Pentecostes.

Cartulaire de l'abbaye de Salzinnes, fol. 187 ro et vo.