XCIV. Lettres de la ville de Thuin, contenant les conditions moyennant lesquelles le comte de Charolais a bien voulu la recevoir en sa grâce: 15 septembre 1466. (D'après l'original, reposant aux archives de la province, à Liége. ). Nous, les maistres, conseil jurez et communaulté de la ville de Thuyn, pour et en nom de tous les manans et habitans d'icelle, SAVOIR FAISONS: Comme, pour pluseurs offenses, injures et oultraiges par nous faiz et inferez à l'encontre de tres hault et tres excellent prince monseigneur le duc de Bourgoigne et de Brabant, ses pays et seigneuries, soyons grandement emendables envers lui et tenuz à le reparer, et il soit que, à nostre tres humble priere et requeste, il ait pleu à tres hault et tres puissant prince mons" le conte de Charrolois, filz de mondit seigneur le duc, comme son lieutenant general, nous recevoir à grace et à traictié, congnoissons et confessons avoir fait, passé et accordé, faisons, passons et accordons les poins et articles quy s'ensuivent : Premierement. Que nous abaterons et demolirons entierement les portes, pons, murailles et toutes autres fortifficacions et fermetez (a) de ladite ville de Thuin, sans (a) Fermetez, fortifications, remparts. jamais les povoir ediffier ou redresser, et emplirons ou ferons emplir les fossez et tranchiz (a) d'icelle, quelz qu'ilz soient, à noz frais, missions et despens, endedens le derrenier jour de novembre prouchainement venant, et à ceste cause avons baillié et delivré, baillons et delivrons à mondit seigneur de Charrolois douze hommes de ladite ville, c'est assavoir: Jaquemart Thourier, Johan de Waudigniez, Thomas Gret, Gilain Goda, Colart Lambiert, Johan Buisset, Colart Stassa, Pasquié Morial, Pierart Hubin, Henri Scouva, Johan Phlippe et Pierart Garerd, pour estre seurté et tenir hostaige, à noz frais et despens, en tel lieu qu'il plaira à mondit seigneur le duc, ou à mondit seigneur son filz, jusques à ce que les choses dessusdites seront parfaictes et acomplies; et, s'il advenoit aucuns des dessusnommez aler de vie à trespas pendant le temps dudit hostaige, en ce cas, nous baillerons et delivrerons à mondit seigneur le duc, ou à mondit seigneur son filz, aultres hostaiges de ladite ville, telz qu'il leur plaira nommer et eslire ou lieu des trespassez. Item. Que nous serons tenuz de presentement recevoir et entretenir, en ladite ville, cent hommes de guerre de par mondit seigneur le duc ou mondit seigneur son filz, lesquelz seront et demourront à noz missions et despens jusques à ce que aurons abatu et demoly la porte et le pan de mur qui est du costé de Beaumont en Haynnau. Item. Que, pour faire aucune reparacion desdites offenses, injures et oultraiges, nous ferons à mesdiz seigneurs, ou à l'un d'eulx, amendise honnourable, en nombre souffissant, là où et quant il leur plaira, les testes nues et dessains (a), en congnoissant nostre meffait, et leur supplierons tres humblement à genoulx qu'il leur plaise nous pardonner. Item. Aussi serons entenuz de payer et payerons à mondit seigneur de Charrolois, ses hoirs et successeurs, la somme de douze mille florins de Rin pour une fois, du coing des quatre esliseurs de l'empire, au pris de quarante et ung gros, monnoye de Flandres, la piece, et se payera ladite somme à quatre termes, endedens deux ans, assavoir pour chascun demy an, trois mil florins de Rin, jusques en fin de payement, et commencera le premier terme au jour de la date des presentes. Item. Que, pour seurté dudit payement, nous baillons et delivrons dès maintenant quatre hommes de ladite ville de Thuyn, c'est assavoir: Arnouldin Tailhefier, Johan maistre Colart, Colart Phlippe et Hernalde Lambert, qui sont et seront hostaiges pour demourer, à noz fraiz et despens, en tel lieu qu'il plaira à mondit seigneur de Charrolois, pour la somme du premier terme; et, icelle payee, mondit Sr de Charrolois pourra nommer et choisir autres quatre hommes de ladite ville pour le second terme, et successivement de terme en terme le pourra ainsi faire jusques à ce qu'il sera entierement payé et satisfait desdiz douze mil florins de Rin, sans ce que les premiers hostaiges demeurent quictes et deschargiez ou soient mis au delivre jusques à tant que les autres hostaiges seront bailliez, et receuz par mondit Sr de Charrolois. Supposé que la somme du terme pour lequel ilz seroient hostaiges fust payee, et ou cas que les aucuns desdiz hostaiges, ja bailliez (a) Dessains. On trouve dans Roquefort desçainet, desçaint, qui est sans ceinture, à qui l'on a ôté la ceinture. Celui qui a écrit l'acte ne se serait-il pas trompé ici, et n'aurait-il pas mis dessains, au lieu de deschaus? et delivrez, ou que cy aprez seront bailliez et delivrez, yroient de vie à trespas, nous serons tenus de baillier et delivrer à mondit Sr de Charrolois nouveaux hostaiges, en lieu des trespassez, telz qu'il lui plaira nommer et choisir. Toutes lesquelles choses, et chascune d'icelles, nous avons promis et juré, promectons et jurons faire, tenir, garder et acomplir inviolablement, à tousjours, et non jamais aler au contraire directement ou indirectement, en quelque maniere que ce soit, sans toutesvoyes riens innover du contenu ou traictié de paix fait en l'an passé entre mesdiz Srs et ceulx du pays de Liege et de Looz, lequel traictié voulons estre et demourer en sa force et vigueur, pour autant que à nous touche; submectans, pour l'entretenement et acomplissement des choses avantdictes, nous et tous noz biens, tant en commun que en particulier, à la court et juridiction de nostre saint pere le pape, de l'empereur, de tous roys, ducs, contes, archevesques et evesques, et à toutes autres cours espirituelles et temporelles, à l'interdict et toutes censsures ecclesiasticques; voulans et consentans que mesdiz Srs puissent de leur propre auctorité faire prendre, arrester et detenir noz personnes et biens où qu'ilz seront trouvez, et en faire leur bon plaisir; et, en cas que n'aurions acomply tout ce que dit est cy dessus, renunchans aux excepcions de force, de paour et toutes autres quelxconques, et meismement au droit disant que general renunciacion ne vault, se l'especial ne precede. En tesmoing de ce, nous avons fait mectre le grant seel de ladite ville de Thuyn à ces presentes lettres faictes et passees audit Thuyn, ou lieu acoustumé faire assamblee des habitans d'icelle ville, presens messire Mahieu De Marbais, curé de Tully; messire Jehan Man teau, curé de Clermont; messire Jehan Alart, chappelain de Saint Tya; messire Noel Lambert, chappelain dudit Saint Tya, et messire Jehan de Fosses, le quinziesme jour de septembre l'an mil cccc. soixante et six. XCV. Lettre du comte de Charolais aux magistrats de Malines, sur la suite de son expédition dans le pays de Liége: 19 septembre 1466.. (D'après l'original, reposant aux archives de la ville de Malines.) LE CONTE DE CHARROLOIS, SEI- Tres chiers et bien amez, nous avons, par vostre messagier porteur de cestes, receu voz lettres, par lesquelles desirez savoir de nostre bon estat et santé, ensemble de noz nouvelles, et nous suppliez vous en escripre si avant que nostre bon plaisir sera. Sur quoy, tres chiers et bien amez, quant à nostredit estat, nous estions, à la façon de cestes, en bonne santé et disposicion de nostre personne, graces à Dieu; et, quant à |