avoit iij demi rons et une grosse tour qui gardoit les molins, dont de ce faire bien et souffisamment, livrer bois et tout, il doit avoir, par ledit marchié à lui demouré par descrois, iiij florins de Rin, de xx aidans le piece, comme, par ladite criee, seellee de Englebert Dorlee, bailli de Bouvignes, cy rendue, appert: pour ce, iiij liv. Somme v. lij livres. XC. Lettre du comte de Charolais aux magistrats de Malines, sur les événemens qui suivirent la prise de Dinant: 10 septembre 1466. (D'après l'original, reposant aux archives de la ville de Malines.) Le Conte de CHARROLOIS, SEIGNEUR DE CHAS- Tres chiers et bien amez, nous avons, par vostre messaigier, porteur de cestes, receu voz lettres, par lesquelles desirez savoir de nostre bon estat et santé, ensemble de noz nouvelles, et nous supplyez vous en escripre aucune chose pour vostre singuliere joye. Sur pays quoy, tres chiers et bien amez, au regart de nostredit estat, nous estions, à la façon de cestes, en bonne santé et dis posicion de nostre personne, graces à Dieu, nostre benoit createur; et, quant à nosdites nouvelles, il est vray que, après ce que la ville de Dynant a esté reduite en l'obeissance de mondit seigneur et de nous, et qu'elle a esté toute brulee et mise en cendre, nous, avec l'armee de mon tres redoubté seigneur et pere, sommes venuz en ce pays de Liege, pour contraindre ceulx dudit à entretenir, furnir et acomplir le traictié de la paix fait l'annee passee entre mondit seigneur et pere, nous et eulx, et, à ceste fin, sommes venuz logier deça la riviere de Jarre, tellement qu'ilz ont esté contrains de nous baillier, pour la seurté du payement qu'ilz devoient du terme de la Saint Jehan Baptiste derrain passé, et pour l'accomplissement dudit traictié de paix, tous telz hostaiges que avons voulu nommer et demander pour mondit seigneur et pere et pour nous, c'est assavoir : xxxij hommes de la cité de Liege, et, de chascune des villes de Tongres, Saintron et Hasselt, six hommes, qui sont en tout cinquante hommes, lesquelz tiendront hostaige jusques au plain et entier payement des deniers dudit terme de la Saint Jehan, qui se doit faire à la Saint Remy aussi prouchainement venant, et jusques à l'acomplissement de ce qui se pourra acomplir dudit traictié de paix entre cy et ladite Saint Remy, lequel terme de la Saint Remy passé, viendront autres nouveaulx hostaiges en leurs lieux en pareil nombre de cincquante hommes desdites cité et villes pour le terme du Noel prouchain, et ainsi se fera de terme en terme jusques au plain et entier payement des sommes que lesdiz de Liege doivent payer par ledit traictié, et au total acomplissement d'icelui traictié en tous ses points et articles; et, avec ce, doivent iceulx de Liege et desdites autres villes, pour eulx et pour toutes les autres villes des pays de Liege et de Loz, reparer et amender tous les dommaiges et interrestz par eulx faiz sur les pays et subgez de mondit seigneur depuis ledit traictié de paix jusques à present, à l'ordonnance et jugement de mondit seigneur, comme souverain gardien et advoé desdites cité et pays de Liege et de Loz, eulx ouys en leurs deffenses et excusacions de laquelle ordonnance et jugement furnir et acomplir seront aussi obligiez les dessusdiz ostaiges. Et avons intencion, s'il plait à Dieu, de nous partir de cy avec nostredite armee, apres l'expedicion des lettres que lesdiz de la cité de Liege et des villes de Tongre, Asselt et Saintron doivent baillier à mondit seigneur pour greigneur seurté des choses dessusdites, et qu'ilz nous auront receu, ou nom de mondit seigneur et pere, pour souverain gardien et advoé desdites cité, villes et pays de Liege et de Loz. Tres chiers et bien amez, Nostre S soit garde de vous! Escript en nostre ost à Oley deça la riviere de Jarre ou pays de Liege le xe jour de septembre l'an lxvj. CHARLES. A noz tres chiers et bien amez les communemaistres, eschevins et conseil de la ville de Malines. XCI. Lettres par lesquelles les bourguemaîtres, le conseil et les trente-deux métiers de Liége s'obligent à livrer au comte de Charolais cinquante ôtages, pour garantie de l'exécution du traité du 22 décembre: 10 septembre 1466. (D'après l'original, reposant aux archives du royaume.) Nous, les maistres jureis, conseille et universiteit de la cité de Liege, et les trengt deux mestiers d'icelle cité, tant en nous noms comme pour et en nomme de tout le pays de Liege et de Looz, FAISONS SÇAVOIR à tous que, comme, à nostre tres humble pryere et requeste, tres hault et tres puissant prince monss1 le conte de Charoloix, comme lieutenant de tres hault et tres excellent prince monss le duc de Borgongne son peire, ait receu de nous, Henry Rousseal, Gilet Ponchin, Gerar de Poix delle ville, le sengneur de Bueren, Bertholet fille Gillet, Bertholet Damensart, Lambert l'aisné des enffans de Votemme, Jehan Persan, Malherbe Naveau, secretaire, Jehan Damenoude l'aisné des fils Jehan Damenoude, Arnult de Berlo, Jehan Colchon, Jehan Delle Boulhe, Jehan Massart clercque, Piron des troix Greis, Renenkin Ellebasse, salvenier, Jehan le Bechut, Willemme Bareit, Willemme de Saint Jacque, Jehan de Mommale le commissaire, Wauthier Dary, Gerar de Villeir, Libert Textor, le grant Gerart, Jehan de Reyne, Jehan Renchon, Grigore Tanneur, Henri de Torteldoere le grant mathier, Jehan Rigault le fil, Jehan Maddeit, tous de ladicte cité, et maistre Jehan de Wydre, Arnult Schetze, Arnult de Rixinghen, Jehan Cockarts, Jehan Danghel de Horpmaele, Jehan Conjoulz, maistre Henry Utenbroucke, Arnult de Besghe, Jehan de Haelbeike, Joannes Indenossen, Karle Bollen, Pieter Vaez, maistre Jehan Vandenlaeke, maistre Ernult van Elsraeke, Tielman Tocke esquievin, Gert Van den Boegard alias Elsraeke, Niez Duffkens et Tilman Vandenwiere, desdictes villes de Tongre, Hasselt et Saintron, pour et affin qu'il soit asseureit que nous et ledit pays de Liege et de Looz accomplirons, garderons et entretendrons le derrenier traictiet de paix par nous fait aveucques nousdis sengneurs selonc le contenut de noz lettres faites et donneez le xxije jour de decembre derain passé, cognissons et confessons que les dessus nommeis, comme plesgez et hostaiges ou nom de nous et desdis pays, seront et demoiront ès mains et en la puissance de mondit Sr le duc et de mondit sengneur son fil, pour tenir hostaige à Lovain ou ailleurs où il plaira à nosdis sengneurs, tant et si longement que ledit traictiet demoira à accomplir, et avons especialment consenti et accordé, consentons et accordons que les dessus nommeis et chascun d'eulx tendront ledit hostaige jusques au plain et entiere paiement de touttes les sommes escheyuez et deyuez à mondit sengneur le duc et à mondit Sr son fil dès la St Jehan passé, lesquelx paiemens noz ferons dedens la St Remy prouchain, et aussi demoiront hostaigez pour l'accomplissement de tout le contenut oudit traictiet qui chiet en execution presente, et à quoy nous entendrons par effect, et en oultre confessons et cognissons que lesdis hostaigez ont esteit par |