adherer. Honnourés seigneurs, etc., le benoit Saint Esperit vous ait en sa sainte garde! Escript à Dinant le xxiiije jour de jenvier l'an lxvj.

A honnourés seigneurs nous tres chiers confreres et especiaulx amis les maistres et conseil jurés de la noble cité de Liege.

LXVII.

Lettres par lesquelles la cité de Liége s'oblige à procurer que les villes de Tongres, Saint-Trond, Fosse, Thuin, Couvin, Looz et autres scellent les deux traités fails avec le duc de Bourgogne et le comte de Charolais : 26 janvier 1466.

(D'après l'original, reposant aux archives du royaume.)

Nous, maistres, eschevins, conseille, citoyens et aultres manans et habitans en la cité de Liege, SAVOIR FAISONS à tous que, comme traictié de paix aict puis nagaires esté fait et passé entre tres hauls et tres puissans princes et tres redoubteis singneurs monssingneur Phelippe, par la grace de Dieu, duc de Bourgongne, de Lottringe, de Braibant et de Lembourg, conte de Flandres, d'Artois, de Bourgongne, palatin de Haynau, de Hollande,

de Zelande et de Namur, marquis du Saint Empire, seigneur de Frise, de Salins et de Malinnes, et monsingneur Charles, conte de Charoloix, seingneur du Chastealbelin et de Bethunne, filz et lieutenant general de mondit singneur de Bourgongne, d'unne part, et reverend peire en Dieu nostre tres redoubté seigneur monssingneur Loys de Bourbon, esleu confermé de Liege, les doyen et chapittre de Liege, les nobles, ladicte cité et les aultres villes du pays de Liege et de Loos d'autre part, comme appeirt par deux lettres sur ce faictes et passees au prouffit, l'une de mondit seigneur le duc, et l'autre de mondit singneur de Charrolois, de la daulte du xxije jour du present mois de janvier (1); et, combin que lesdictes lettres, comme appeirt par la tenure d'icelles, doyent estre seellees des seaulx dudit reverend pere nostre tres redoubté seigneur et desdis doyen, chapittre, nobles, cité, villes et pays de Liege et de Loos, touteffois, pour le present, elles ne sont encors seellees senon sceullement des seaulx de nous, lesdis de la cité, et de la ville de Hasselt, et restent encors à estre mis et apposeis èsdictes lettres, oultre et pardessus les seaulx dudit reverend nostre tres redoubté seigneur et des nobles desdictes cité, villes et pays Liege et de Looz, les seaulx des villes de Tongre, de Saintron, de Fosse, de Thuyn, de Coving, de Looz, de Herck, de Eyck, de Breyde, de Blise, de Beringen et de Stockhem : mais, ce non obstant, nous avons supplié et requis tres humblement mondit seigneur de Charolois, qui, pour l'exécution de la guerre, laqueile, paravant ledit traictié, mondit seigneur de Bourgongne

de

(1) Il est apparent que celui qui a écrit cet acte a mis par inadvertance janvier, au lieu de décembre, puisque les deux traités en question ne peuvent être autres que ceux ci-dessus insérés nos LIX et LX.

et lui avoient à l'encontre de nous, estoit en armes et avoit grande et puissante armee, avec laqueile il estoit puis aucun temps entreis èsdis pays de Liege et de Loos, son plaisir fuist, pour l'onneur de Dieu, pour le soulagement du povre peuple, et sans attendre que lesdictes lettres fuissent seelleez des seaulx desdictes villes de Tongres, Saintron, de Fosse, de Thuyn, Coving, de Loos, et aultres desusdictes, faire departir ladicte son armee desdis pais de Liege et de Loos, et retraire ses gens de guerre qui y estoient, laqueile chouse il nous a liberalment accordee, sains riens innoveir ausdictes lettres du traitiet; et, moyenant ce, nous lui avons promis et promectons, par ces presentes, pour nous, noz hoires et successeurs, que nous ferons et procurerons par effect que ceulx desdictes villes de Tongres, Saintron, de Fosse, de Thuyn, Coving, de Looz et aultres dessusdictes seelleront de leurs seelx dont ilx usent et ont accoustumé useir en teil lesdictes deux lettres faites et passees au prouffit de mondit singneur de Bourgongne et de luy, comme dit est,-endedens le jour de mercquedy prouchainement venant vingt et neufme jour dudit present mois, et que les commis et deputeis d'icelles villes de Tongres, de Saintron, de Fosse et aultres dessus declarees vendront en la ville de Saintron avec les seaulx desdictes villes, et illec seeleront lesdictes lettres des seaulx desdictes villes. Et, ou cas que aucune ou aucunes desdictes villes sieroient reffusantes ou delayantes de seelleir lesdictes lettres dedens le temps et par la maniere que dit est, nous avons promis et promettons, par cesdictes presentes, faire fournir et accomplir à mondit seigneur de Bourgongne, à mondit seide Charolois et à leurs hoires et successeurs, ducs gneur de Braibant et de Lembor, tout le contenu èsdictes

cas,

deux lettres de traictié, et de payer entierement et pour le tout les sommes y contenues, tout ainsi et pareillement comme se lesdis desdictes villes deseur declarees avoient seellees lesdictes lettres. Et, avec ce, avons promis et promettons rendre et delivreir à mondit singneur de Charoloix, audit lieu de Saintrond, dedens ledit jour de mercquedy prouchainement venant (1), toutes lettres d'aliances par nous faictes à l'encontre de mondit seigneur de Bourgongne et de mondit seigneur de Charolois, cassees et nulles, ou le vidimus d'icelles lettres, au doz desquellez siera escript que nous noz sommes departis desdictes aliances, et y advons renoncié et renunchons, le tout selon le contenu du vije des articles inscriptz en l'une desdictes lettres de traictié. Toutes lesquelles chouses dessusdictes et chascunne d'icelles, ainsi et par la fourme et maniere qu'elles sont dessus declarees, nous, lesdis maistres, eschevins, conseil, citoiens, manans et habitans en ladicte cité de Liege, pour nous, nosdis hoires et successeurs, et sour obligacion de tous nous bins, avons promis et promettons, par cesdictes presentes, en bonne foy, par ferme et sollempnee stipulation, et par nostre serment pour ce donné et touchié aux sainctes ewangeiles de Dieu, gardeir, entretenir, observeir et accomplir de point en point, sans jamais aller ou venir au contraire, ne souffrir que aultre y vengne tacitement ou en appiert; et, à l'observance de tout ledit contenu èsdictes presentes, voulons estre contrains et compellis par toutes et singuleires les contraintes contenues et declarees èsdictes lettres de traictié, et par toutes aultres voyes et manieres

(*) Les Liégeois exécutèrent cette clause, et même ils devancèrent de deux jours celui fixé pour la remise du traité d'alliance contre la maison de Bourgogne, puisqu'ils la firent le 27 janvier. (Voy. ci-dessus, page 292.)

de contraintes, et nous sommes submis et submetons', quant ad ce, à toutes cours ecclesiasticques et seculeires, et avons renoncié et renonchons à toutes exceptions, deceptions, cautelles et cavillacions, et à tous previleiges, franchises, dispensacions et aultres chouses par lesquelles l'on poroit venir contre la tenure de ces presentes, mesmement au droit dissant que general renonciacion ne vault; se l'especiaul ne precede. En tesmoing de ce, nous avons seellees ces presentes de nostre seel, faites et donnees le vingtesyezeime jour de janvier l'an de grace mille quattre cens soissante chincque (1).

LXVIII.

Lettre des Dinantais aux capitaine et bailli de Bouvigne, qui s'étaient plaints d'hostilités commises par eux : 27 janvier 1466.

(Extrait du registre de Dinant ci-devant mentionné, fol. 235 vo.)

Honnourés seigneurs, nous avons receu vous lettres escriptes à Bovignes le dimenche xxvje jour de ce present mois de jenvier, contennantes comment, dedens le sceur estat oultredonné de par hault et puissant prince

(1) Le style observé dans la date de ces lettres montre qu'elles ne furent pas rédigées par les Liégeois, mais par les commis du duc de Bourgogne : à Liége, on aurait écrit 1466, au lieu de 1465.