XLIX.

Commission et pleins-pouvoirs donnés par la ville de Dinant aux députés y dénommés, pour traiter de la paix, en son nom avec le duc de Bourgogne et l'évêque de Liége: 26 novembre 1465.

(Extrait du registre de Dinant ci-devant mentionné, fol. 184 v.)

Nous, lez maistres, conseil jurés et université de la bonne ville de Dinant, salut et dilection, SAVOIR FAISONS à tous, et singulier à cui ou ausquelx ces presentes parvenront ou seront monstrees, que, pour venir à voie, traité et moien de paix, et faire cesser touttes oeuvres de fait et hostilité de guerre, entreprinse, etc., ensieuvant lez traveillez et labeurs encommenchiet par noblez et vaillans seigneurs lez contez de Meurs et de Horne, etc., qui, de par la cité de Liege, lez autres bonnez villes de la langhe tiesse (a), ont eut charge et commission de faire offres et presentations à tres hault, tres puissant et tres redoubté seigneur monseigneur le duc de Bourgoingne, de Braibant, etc., lequel entendons servir à nous et autres bonnes villes du pays de Liege et de Looz generalment, comme ceulx qui ne noz devons ne volons

(a) Tiesse, thioise, teutonique, flamande.

separer, mais avec eulx en tout bien de paix adherer, voullans affectuellement noz demonstrer, vivre et morir enfans de sainte eglise et vraix obeissans à saint siege apostolicque, et aussi, se aucuns de noz avoit mescogneus, de recognoistre tres reverend pere en pere en Dieu, tres honnouré prince et seigneur mons' Loys de Bourbon, esleu confermé de Liege, duc de Buillon, conte de Looz, comme droiturier pasteur, prince et seigneur, et à surplus faire une paix, traité et appointement honnourable et proffitable, nous avons commis et estaubli, commettons et establissons, par cez presentez, de par laditte bonne ville, membres et dependances d'icelle, assavoir : de par les bourgois d'emmi la ville, noz chiers, feaulx et amés Jehan Salmier, Franchois Sauvaige, Jehan Joset; pour la partie de la baterie, Jehan Le Carpentier, Sr de Havreson, Vautier Damient, Cola De Loiez, tous jadis maistres de laditte ville, et, de part lez ix mestiers, François de Louvain, esquievin de Dinant, Jehan de Formez, et Martin de Oreix (1), ausquelx avons donnet et par cesdittez presentes donnons plain pooir, auctorité et mandement general, en enssuivant lez commissions et charges del cité et bonne ville, offres et presentacions, de, pour et en nom de nous, faire touttes tellez offres, traités, appointemens et paix honnourable et proffitable, qu'îlz trouveront estre à cas pertinent et convenable, par le sens, moien et ordonnance desdis contes, del cité et bonne ville susditte; promettant, en bonne fois, loialment et sur noz fois et honneur, de tenir et fermement acomplir, sans embrisier, tout ce et de quant que par nosdis commis et deputez serat fait, traité, appointet et pacifiés envers lesdis tres haulx princes et Sr, partout

(1) Voy. ci-dessus, p. 246.

où il appartenra, et del avoir agreable et tenir estable, sans faire, aller, ne venir à l'encontre, en secret ne en appert (a), par maniere nulle, toutes coses entenduez sans mal engien. Tesmoing ces presentes, qui ont esté lieuttez pardevant nos, laditte université, de mot à mot, et acordeez sequallement à lez saeller, ausquellez noz, lesdis maistres et conseil, au commandement et par l'or. donnance de ladite université, avons fait appendre les grant seal et contreseal de ladite ville, sur l'an 1465, le 26e jour de novembre.

L.

Lettre des Dinantais au S de Haubourdin (1), capitaine général de l'armée du comte de Charolais, contenant la demande d'un sauf-conduit pour des députés qu'ils désirent lui envoyer: 29 novembre 1465.

(Extrait du registre de Dinaat ci-devant mentionné, fol. 185 vo.)

Noble, puissant et tres honnouré seigneur, suivant la relacion à nous faitte de par damp Piere, religieux de l'eglise et monastere Saint Jehan de Florine, sommes advertis du bon voloir que avés de labourer à bien de paix, dont vous mercions tant affectueusement que poons, amiablement priant que, perseverant de bien

(a) En appert, ouvertement.

(1) Jean de Luxembourg, fils naturel de Pierre de Luxembourg, comte de Saint-Pol. Il fut l'un des plus valeureux capitaines de son temps.

en mieux en vostredit bon vouloir, vous plaise nous faire avoir sauf conduit suffissant pour seurement transporter pardevers vous certains deputés de ceste ville, jusques au nombre de xx personnes et autant de chevaulx, ou au desous, illecques sejournant et paisiblement retournant, affin que, de par iceux, puissiés estre informet de la diligence et voloir où nous volons mettre à l'apaisement des differens de present, en venant à union de paix. En quoy, aveuc ce que ferés oeuvre meritore à Dieu, nous ferés tres singulier plaisir, dont à tosjours vorons avoir memore, pour le recognoistre à nous possibilités, à l'aidde de Nostre Seigneur, qui vous doint bonne vie et longe! Escript à Dinant le penultime jour de novembre l'an lxv.

A noble, puissant et tres honnouré Șr monseigneur de Habourdin, seigneur de Mortaingne, etc., capitaine general de tres excellent prince monseigneur le conte de Charolois, etc.

LI.

Lettre des Dinantais à leurs députés à Liége, touchant l'état des affaires de leur ville : 29 novembre 1465.

(Extrait du registre de Dinant ci-devant mentionné, fol. 186.)

Honnourables et sages, tres chiers et amés combourgois, toute recommandacion premiese, nous avons re

ceu voz lettres escriptes à Liege lendemain de la Sainte Katerine, contenantes en effect avoir fait diligence d'avoir gens, dont en sont partis de dix mestiers de chascun dix hommes, desquelz nostre maistre Amelle de Velleroux doit estre capitaine, retenu à viij chevalx aux frais de ceste ville (1), nous pour ce requerant de lui faire bonne chiere, et au surplus de savoir nouvelles de noz deputez envers monseigneur de Charlois, etc. Sur le contenu desquellez voz plaise savoir que, ce jourd'uy xxviije jour de novembre, avons fait convocquier, avec noz le consel, aucunes bonnes dez trois parpersonnez tiez de ceste ville, et avons ensemble acordet que ledit capitaine soit retenu sur telx conditions que nous avez escript. Au surplus, touchant lez nouvellez de nozdis deputés, vous signifions que, hier au soir, retournont (a) messe l'abbé de Florine, sez famillez (6) et Haroy, lesquelx n'ont rien besoingniet; mais, que plus est, non obstant que, par noz lettres precedentez, voz avons escript que Jehan de Meurse, seigneur de Harse, lez avoit fait tres grant avancement et plaisir, entendons presentement audit Haroy (2) que lui misme, avec autres, lez a prins prisonnier, hostant au pater et audit Haroy leurs chevaulx, et avec ce est ledit pater ranchonné à ung marc d'argent, de quoy paier s'est obligiet par vertu d'une cedulle signee de sa main. En oultre, voz advertissons que de par damoisiau Lois de la Marche avons receu lettrez, contenantes voloir envers lui envoier pour savoir ce qu'il avoit besoingniet, dont, suivant ce, y avons envoiez

(1) Le capitaine seulement était aux frais des Dinantais. C'était les Liégeois qui soudoyaient les hommes des métiers envoyés par eux au secours de Dinant. (Voyez la lettre no LIII ci-après)

(a) Retournont, retournèrent. (b) Sex familles, ses gens.

(2) Ce Haroy était un messager de la ville.