escript aux capitaines dudit Bovignes, eulx priant que lesdits pauls vosissent hoster ou faire hoster, lesdittes hostilles faire restituer et remettre ou lieu où ont esté hostees, et les arbres copés satisfaire à ceux ausquelx appartient, affin que, par moien de ce, posissiens perseverer en paix et transquilité, evitant aux inconveniens apparans, nientmains, nientmains, jusques au present, n'est de ce quelque effect ensuy.

Et, que plus est, le lundi xve jour de ce present mois de juillet, ont esté atenus ou arestés audit Bovigne pluseurs pontons, personnes et biens en iceulx estans, appartennans à nous combourgois pour quoy aions escript envers lesdis capitaines, eulx amiablement requerant que lesdis pontons, personnes et biens vosissent mettre ou faire mettre ou delivre, samblablement que par nous avoit esté fait d'un ponton de Namur aresté en ceste ditte ville, à cause des hostilles desdis machons, non obstant que d'icelles ne soient jusques au present restitués, desquelles choses avons requis avoir leur responce, aveuc se leur plaisoit tenir la journee dont par vostreditte noble grace nouvellement a esté rescript, prefichant à ce jour et lieu. Sur quoy nous aient fait segnifier que lesdis pontons, personnes et biens estoient bien gardés, mais ne feroient sur ce responce, jusques à ce que par nous seroit respondu sur vosdittes lettres derrenierement à nous envoiés, dont dessus est faite mention, nonobstant que, par nosdittes escriptures, aions fait excusacion de tant que la retardance de ce a esté pour tant que aviens espoir que journee se deuist tenir entre deux marches, à laquelle deuist estre pourparlet tant du contenu èsdittes derrenieres lettres, comme autres choses, et aussi ne demandoient icelles point de responce.

Pour quoy, tres hault, etc., prions tant cordialement que poons à vostreditte noble grace que les choses dittes plaise faire restituer, satisfaire et reparer, especiallement lesdis pontons, personnes et biens appartennans à nous combourgois, comme dit est, les raisons dittes considerees; faisant tenir la journee entre deux marches par vous deputés à tel jour et lieu que vous plaira, et de nostre part serons prests.

Tres hault, tres puissant prince et tres honnouré seigneur, sur les choses dittes vous plaise nous rescripre vostre bonne responce, aveuc nous signifier se chose vous plait que puissons, pour à nous possibilités le acomplir, à l'aidde de Nostre Seigneur, qui vous doint bonne vie et loinge et acomplissement de vous nobles desirs! Escript à Dinant le xvje jour du mois de juillet l'an lxv.

De

par vos humbles et petits marchissans, les maistres et conseil jurés de la ville de Di

nant.

A tres hault, tres puissant prince et tres honnouré seigneur monseigneur le duc de Bourgoingne, de Brabant et de Lembourg, conte de Flandres, d'Artois, de Bourgoingne, de Hainau, de Hollande, de Zeellande et de Namur.

XXVII.

Lettre des Dinantais à Marc de Bade, régent du pays de Liége, et au marquis Charles de Bade, son frère, contenant la relation d'une attaque dirigée contre leur ville par les troupes de l'évêque Louis de Bourbon : 26 août 1465.

(Extrait du registre de Dinant ci-devant mentionné, fol, 75,)

Hauls, puissans et tres honnourés seigneurs, humble reverence aveuc nous possibles services premis et offers à vos nobles graces, ausquelles soit plaisir savoir que, aujourduy xxvje jour d'aoust present, est Loys de Bourbon, ou autre capitaine en nom de lui, comparu sur les champs en armes à tres grosse et enorme puissance, montant en somme de trois à iiij milles hommes en armes, comme on les puet aulser et extimer, lesquelx ont fait diverses courses et saillies, dont, à la premiere du matin, sommes saillis aux champs, bien estant environ iij heures en bataille, cuidant qu'ilz deuissent saillir sur nous, a eu diverses castilles; et, à la seconde fois, sont les deseurdis saillis devant ceste ville, pensant qu'eussions sur eux habandonnet desordonneement: dont il y a eu pluseurs mors et bleciés tant du matin que de la vespre, d'une part et d'aultre.

Et se je, le capitaine, n'euisse esté, qui à ce ay esté bleciés, ewissent enclos le peuple de cesteditte ville aux champs, et consequemment venus en icelle, dont se posist ensuir confusion ou totalle perdicion de laditte ville; et, de fait, ont esté aucuns des nostres reboutés jusques à le (1), et doubtons assés que n'asaillent cesteditte ville ceste nuitie, ou le jour ensuivant. Pour quoy, hauls, puissans et tres honnourés seigneurs, prions et requerons tant et si acertes que poons à vosdittes nobles graces que à ceste besoingne nous venés secourir à puissance, suivant ce que, par vous lettres derrenierement à nous escriptes, nous avés prommis de nous secourir, quant mestier nous seroit. Au seurplus, hauls, puissans, etc., au jour d'ier xxv© jour de ce present mois, arriverent en cesteditte ville Piere, escripvain au duc Loys de Baviere; maistre Piere, bombardier dudit duc, et pluseurs aveuc eulx des gens mons' de Blankenhem, lequel bombardier avons especiallement priet que vosist demourer en cesteditte ville, lequel a de ce fait excusance, tant pour le retour vers son seigneur, comme pour sa femme qu'il dist estre malade, et aussi que point ne voroit demourer ou cas que les gens de mons de Blankenhem s'en alaissent : niantmains, audit Piere, clercq, avons entendu que, se lui requeriés que vosist aucune espause deles (a) nous demourer, feroit beacop à vostre requeste, et poroit deles nous demourer, et il nous seroit tres necessaire, car il est homme tres expert et habille en fait de trait. Pour quoy, prions et requerons derechief à vosdittes nobles graces que lui veuilliés requerir que lui

(1) Il y a ici, dans le manuscrit, le nom d'une porte que je n'ai pu déchiffrer.

(a) Deles, avec.

plaise, ceste guerre durant, deles nous demourer , parmy gages souffisans à lui donnans. Hauls, puissans, etc., sur tout ce que dit est vous plaise nous rescripre vos responces par ce porteur. Escript hastivement en ceste vostre ville de Dinant le xxvje jour d'aoust l'an lxv (1).

A hault, puissant et tres honnouré Sr mons Marc, par la grace de Dieu, administrateur postule de l'eglise de Liege, gouverneur et regent des pays de Liege, Buillon et Los, et hault et puissant Sr mons Charles, marchis de Baude.

XXVIII.

Lettre des Dinantais aux magistrats de Huy, touchant l'assaut donné à la ville de Ciney par les ennemis : 11 septembre 1465.

(Extrait du registre de Dinant ci-devant mentionné, fol, 89 vo.)

Tres chiers et amés confreres, touttes fraternelles recommandacions premieses, nous vous tenons assez

(1) Le 28 août, Marc de Bade, en son nom et au nom des Liégeois, envoya des lettres de défi au duc de Bourgogne et au comte de Charolais. Il y alléguait les injures et oppressions dont le pays de Liége avait eu à se plaindre, au temps passé, de la part des ducs de Bourgogne, et l'affection que les Liégeois avaient pour le roi de France, auquel le duc faisait guerre ouverte.