When sir David the Bruse

Satt on his stede,

He said of all Ingland

Haved he no drede;

Bot hinde John of Coupland,
A wight man in wede,
Talked to David,

And kend him his crede:

Thare was sir David,

So dughty in his dede, The faire toure of Londen Haved he to mede.

Sone than was sir David
Broght unto the toure,

And William the Dowglas,

With men of honowre;

Full swith redy servis

Fand thai thare a schowre, For first thai drank of the swete,

And senin of the sowre.

Than sir David the Bruse

Makes his mone,

The faire coroun of Scotland

Haves he forgone;

He luked furth into France,

Help had he none,

Of sir Philip the Valais,

Ne zit of sir John.

The pride of sir David

Bigon fast to slaken,

For he wakkind the were

That held him self waken;

For Philyp the Valaise

Had he brede baken,

And in the toure of Londen
His ines er taken :

To be both in a place

Thaire forward thai nomen,

Bot Philip fayled thare,

And David es cumen.

Sir David the Bruse

On this manere

Said unto sir Philip

Al thir sawes thus sere:

Philip the Valais,

Thou made me be here,

This es noght the forward

We made are to-zere;

Fals es thi forward,

And evyll mot thou fare, For thou and sir John thi son Haves kast me in care.

The Scottes, with thaire falshede,

Thus went thai obout

For to win Ingland

Whils Edward was out;

For Cuthbert of Dorem

Haved thai no dout,

Tharfore at Nevel-cros

Law gan thai lout; Thare louted thai law,

And leved allane.

Thus was David the Bruse

Into the toure tane.

IX.

HOW KING EDWARD AND HIS MENZE

MET WITH THE SPANIARDES IN THE SEE.

I WALD noght spare for to speke,

Wist i to spede,

Of wight men with wapin,

And worthly in wede,

That now er driven to dale,
And ded all thaire dede,
Thai sail in the see-gronde
Fissches to fede;

Fele fissches thai fede,

For all thaire grete fare:

It was in the waniand

That thai come thare.

Thai sailed furth in the Swin,

In a somers tyde,
With trompes and taburns,

And mekill other pride;

The word of tho weremen
Walked full wide;

The gudes that thai robbed

In holl gan thai hide; In holl than thai hided

Grete welthes, als i wene,

Of gold and of silver,

Of skarlet and grene.

When thai sailed westward,
Tho wight men in were,
Thaire hurdis thaire ankers
Hanged thai on here;
Wight men of the west

Neghed tham nerr,

And gert tham snaper

Might thai no ferr;

in the snare,

Fer might thai noght flit,

Bot thare most thai fine, And that thai bifore reved Than most thai tyne.

Boy with thi blac berd,
I rede that thou blin,
And sone set the to schrive,

With sorow of thi syn;

If thou were on Ingland,

Noght saltou win,