V. HERKINS HOW KING EDWARD LAY WITH HIS MEN BIFOR TOURNAY. TOWRENAY ZOw has tight To timber, trey and tene; A bore with brems bright, Es broght opon zowre grene; That es a semely sight, With schilterouns faire and schene: Thi domes-day es dight, Bot thou be war, I wene. When all yowre wele es went To sighing er ze sent With sorow on ilką syde; Hides and helis als hende, For all zowre frankis fare. Sir Philip sall zow schende, Whi leve ze at his lare? All bare er ze of blis, No bost may be zowre bote, All mirthes mun ze mis, Oure men sall with zow mote, Who sall zow clip and kys, And fall zowre folk to fote; A were es wroght, i wis, Zowre walles with to wrote. Wrote thai sal zowre dene, Of dintes ze may zow dowt; Zowre biginges sall men brene, And breke zowre walles obout. Ful redles may ze ren, With all zowre rewful rout; With care men sall zow ken Edward zowre lord to lout. To lout zowre lord in land With list men sall zow lere; Zowre harmes cumes at hand, Als ze sall hastly here. On bere when ze er broght, A bare now has him soght Ful still: Philip was fain he moght If ze will trow my tale, A duke tuke leve that tide, A Braban brwed that bale, He bad no langer bide; Giftes grete and smale War sent him on his side; Gold gert all that gale, And made him rapely ride, Till dede. In hert he was unhale, He come thare moste for mede. King Edward, frely fode, In Fraunce he will noght blin To mak his famen wode, That er wonand tharein. God, that rest on rode, For sake of Adams syn, Strenkith him main and mode, His reght in France to win, And have! God grante him graces gode, And fro all sins us save! Amen. VI. HOW EDWARD AT HOGGES UNTO LAND WAN AND RADE THURGH FRANCE OR EVER HE BLAN MEN rede in romance right To mak tham wrath that er tharein; Now LAURENCE MINOT will bigin. |