V. DE EPIPHANIA.

Nuntium vobis fero de supernis, Natus est Christus, dominator orbis, In Bethlem Iudae, veluti propheta Dixerat ante.

Hunc canit laetus chorus angelorum, Stella declarat, veniunt Eoi

Principes dignum celebrare cultum,

Mystica dona.

Thus Deo, myrrham trocleten humando, Bracteas regi chryseas tulere,

Dum colunt unum, meminere trino

Tres dare terna.

VI. HYMNUS IN DIE PENTECOSTE.

Veni, creator Spiritus,
Mentes tuorum visita,

Imple superna gratia

Quae tu creasti pectora.

Qui Paraclitus diceris,

Donum Dei altissimi,
Fons vivus, ignis, caritas,
Et spiritalis unctio.

Tu septiformis munere,
Dextrae Dei tu digitus,

10

5

10

Tu rite promissum Patris

Sermone ditans guttura.

XII.

BEDA VENERABILIS.

I. DE NATALI INNOCENTIUM.

Hymnum canentes martyrum
Dicamus innocentium,

Quos terra flentes perdidit,
Gaudens sed aethra suscipit.
Vultum patris per saecula
Quorum tuentur angeli,
Eiusque laudant gratiam,
Hymnum canentes martyrum.

Quos rex peremit impius,
Pius sed auctor colligit,
Secum beatos collocans,
In luce regni perpetis.
Qui mansiones singulis
Largitus in domo patris,
Donat supernis sedibus
Quos rex peremit impius.

Vox in Rama percrebuit,
Lamenta luctus maximi,
Rachel suos cum lacrimis
Perfusa flevit filios.

5

10

15

20