IV. DE RESURRECTIONE DOMINI.

Salve, festa dies, toto venerabilis aevo,
Qua Deus infernum vicit, et astra tenet.
Salve, festa dies, toto venerabilis aevo.

Ecce renascentis testatur gratia mundi
Omnia cum Domino dona redisse suo,

Qua Deus infernum vicit, et astra tenet.

Namque triumphanti post tristia Tartara Christo Undique fronde nemus, gramina flore favent.

Salve, festa dies, toto venerabilis aevo.

5

10 Legibus inferni oppressis super astra meantem Laudant rite Deum lux, polus, arva, fretum,

15

Qua Deus infernum vicit, et astra tenet.

Qui crucifixus erat, Deus ecce per omnia regnat,
Dantque Creatori cuncta creata precem.
Salve, festa dies, toto venerabilis aevo.

IX.

EUGENIUS.

Rex Deus, immensi quo constat machina mundi,
Quod miser imploro per Christum, perfice clemens:
Da vigilem sensum, rex regum cuncta gubernans,
Da, precor, ingenium, da mentis lumen honestum.
Sit mihi recta fides, et falsis obvia sectis,
Sit mihi praecipue morum correctio praesens.
Sim carus, verax, humilis, cum tempore prudens,
Secreti tacitus et linguae famine cautus.

Da fidum socium, da fixum semper amicum.

5

Da blandum, sobrium, parcum, castumque ministrum. 10
Non me pauperies cruciet, aut languor obuncet.
Sit comes alma salus, et sufficientia victus.

Absint divitiae, fastus et iurgia, lites,

Invidia et luxus et ventris pensio turpis.

Crimine nec laedam quemquam, nec crimine laedar. 15
Sic bene velle queam, quo pravum velle recedat.
Turpe nihil cupiam, faciam, vel proloquar unquam.
Te mens desideret, sermo canat, actio promat.
Da, Pater altitonans, undosum fletibus imbrem
Quo valeam lacrymis culparum solvere moles.

20

Da, precor, auxilium, possim quo vincere mundum, Et vitae stadium placido percurrere passu.

Quumque suprema dies mortis patefecerit urnam, Concede veniam, cui tollit culpa coronam.

25 Gloria summa tibi, coelique terraeque Creator, Qui Deus es trinus, regnans super omnia solus.

X.

AUCTOR INCERTUS.

Apparebit repentina dies magna Domini,
Fur obscura velut nocte improvisos occupans.

Brevis totus tum parebit prisci luxus saeculi,
Totum simul cum clarebit praeterisse saeculum.

Clangor tubae per quaternas terrae plagas concinens, 5
Vivos una mortuosque Christo ciet obviam.

De coelesti ludex arce, maiestate fulgidus,
Claris angelorum choris comitatus aderit.

Erubescet orbis lunae, sol et obscurabitur,

Stellae cadent pallescentes, mundi tremet ambitus. 10

Flamma ignis anteibit iusti vultum Iudicis,
Coelos, terras et profundi fluctus ponti devorans.

Gloriosus in sublimi Rex sedebit solio,

Angelorum tremebunda circumstabunt agmina.

Huius omnes ad electi colligentur dexteram,
Pravi pavent a sinistris, haedi velut foetidi.

15