IV. HYMNUS IN FESTE PENTECOSTE.
Qui procedis ab utroque,
Genitore Genitoque
Pariter, Paraclite!
Redde linguas eloquentes,
Fac ferventes in te mentes
Flamma tua divite.
Amor Patris Filiique,
Par amborum, et utrique
Compar et consimilis :
Cuncta reples, cuncta foves,
Astra regis, coelum moves,
Permanens immobilis.
Lumen clarum, lumen carum,
Internarum tenebrarum
Effugas caliginem.
Per te mundi sunt mundati;
Tu peccatum et peccati
Destruis rubiginem.
Veritatem notam facis,
Et ostendis viam pacis
Et iter iustitiae;
Perversorum corda vitas,
Sed bonorum corda ditas
Munere scientiae.
Te docente nil obscurum,
Te praesente nil impurum,
Sub tua praesentia